Every doodle has a story

Kahapon naisipan kong gawin tong instruction na to da Wreck ko. Medyo inspired kasi ako sa mga nakita kong paterns sa net na nakapukaw ng damdamin ko.  Masyadong mahirap yung pinagdaanan ko kasi hindi aminado ako na hindi talaga ako magaling pag dating sa pagdodoodle. Mahina ang Patience ko. Gusto ko kasi pag ginawa ko eh tatapusin ko kaya habang nanunuod ako ng Hitman sa T.V.5 kagabi eh pilit kong tapusin ko. Actually hindi pa talaga siya tapos, kita naman diba? sa itaas hindi blanko pa. Tapos habang ginagawa ko to may naging eksena sa sala. 

 ► Habang nagdadrawing ako lumabas si ate*Hipag ko hawak niya yung cp niya. Nagshashade ako nung napansin kong ang tagal niya bago pumasok sa kwarto nila.  May tinetext siya. tapos pumunta ng kusina pero nagtetext padin siya. Pinakikiramdaman ko kasi parang alam ko na yung mangyayari. Then pag balik niya sa sala may tumawag sakanya. Mukhang galit si ate tapos tanong siya ng tanong "Sinu kaba?! ha? Bakit ka nangugulo?" Ganyan tapos bandang huli sabi ni ate "Kami ok kami ng asawa ko, yang asawa mo ang tanungin mo." ANung department yang asawa mo ha?" Biglang lumabas si papa sa kwarto para uminom ng tubig, kinabahan ako kasi baka marinig niya na may kaaway si ate. Makalipas ang 10minuto lumabas ulit si papa at kasunod na niya si mama naririnig ata si ate na masyadong malakas ang boses. Eh ako tuloy padin sa pagshashade. Pumasok na si ate at tinanong ako ni papa kung bakit? sabi ko hindi ko alam pero pakiramdam ko katext ng kuya ko yun at nahuli ni ate. Well, Nung malapit nako matapos sa ginagawa ko naririnig ko na sila na nagtatalo. Ngayon ko lang sila narinig ng ganyan. Tahimik lang kasi sila magaway parang hindi mo mararamdaman compare sa isang kuya ko. 

 Pagkatapos kong gawin yung drawing hindi ko na namalayan yung sumunod na nangyari pagkapasok ko ng kwarto. pagising ko kaninang umaga katabi ko yung journal tapos yung lapis at eraser nasa lapag na.